Bydd hofrennydd diffodd tân arbenigol ar gael i helpu'r ymateb i danau gwyllt sy'n llosgi ers dros wythnos ar fynyddoedd y Rhinogydd. Mae Cyfoeth Naturiol Cymru (CNC) wedi cadarnhau y bydd un o'r hofrenyddion yn cael ei ddefnyddio ddydd Gwener i gefnogi'r ymateb parhaus i'r tân gwyllt.
Daeth y cadarnhad wedi cwynion diweddar am y diffyg cymorth o'r awyr, wrth i'r tân barhau i losgi yn ardal Llyn Cwm Bychan, ger Harlech, ers tua 11 diwrnod. Dywedodd CNC fod y datblygiad yn dilyn ymdrechion parhaus i sicrhau cefnogaeth o'r awyr yn ystod cyfnod o alw eithriadol am ymateb i danau gwyllt mewn mannau eraill yn y DU.
Yn gynharach yn yr wythnos, dywedodd perchennog gwesty Rhiw Goch yn Nhrawsfynydd, y
