Roedd Dydd Iau yn Eisteddfod Genedlaethol Y Garreg Las 2026 yn brysur gyda chystadlu, perfformio a gweithgareddau ar draws y maes. O Eisteddfod Y Dysgwyr yn Maes D i'r Babell Lên, Y Pentre Gwyddoniaeth a'r Theatr Stryd, roedd nifer o bobl yn cymryd rhan ac yn mwynhau'r awyrgylch.
Olivia, Olivia, Lindsey a Ros oedd rhai o aelodau Parti Cae Blodau cyn cystadlu gyda'r ensemble yn Eisteddfod Y Dysgwyr ym Maes D.
Dywedodd Kierion Lloyd, a gyrhaeddodd rhestr fer dysgwr y flwyddyn, ei fod yn dal i deimlo
"ar ben i byd"ar ôl cyrraedd y rhestr fer.
Roedd Criw Twmpdaith yn diddanu ben bore, tra bod Piper a Noa o Bancffosfelen yn mwynhau ar y maen llog.
Roedd Rhydian o Lan Ffestiniog yno am yr wythnos, ac roedd y cwmni dylunio Pen Wiwar o ogledd Cymru wedi creu siwmper a chrys-ti arbennig i ddathlu Sir Benfro a lleoliad Eisteddfod Genedlaethol Y Garreg Las.
Roedd Meleri, Elin, Sharlene, Einir a Helen o Rhocesi yn ymgynnull i ymarfer cyn cystadlu yn y côr merched, tra cafodd Nic Parry ei holi gan Beti George ar gyfer ei rhaglen radio Beti a'i Phobol yn Y Babell Lên heddiw.
Yn Y Pentre Gwyddoniaeth, roedd Osian, Macsen ac Elis yn creu sleim. Roedd Parti'r Ddinas hefyd yn ymarfer cyn cystadlu, ac yn ôl David o Gastellnewydd Emlyn, roedd Y Maes yn llecyn perffaith i ddarllen llyfr.
Roedd digon o hwyl gan gymeriadau lliwgar Y Theatr Stryd ar ddydd Iau, ac erbyn diwedd y dydd roedd bar Syched yn prysuro gyda llawer yn awyddus am beint.
Dilynwch Cymru Fyw ar Facebook, X, Instagram neu TikTok. Anfonwch unrhyw syniadau am straeon i cymrufyw@bbc.co.uk neu cysylltwch drwy WhatsApp ar 07709850033. Lawrlwythwch yr ap am y diweddaraf o Gymru ar eich dyfais symudol.
Key Facts
- Dydd Iau yn Eisteddfod Genedlaethol Y Garreg Las 2026.
- Kierion Lloyd ar y rhestr fer dysgwr y flwyddyn.
- Beti George yn holi Nic Parry yn Y Babell Lên.
- Gweithgareddau hefyd yn Y Pentre Gwyddoniaeth, Y Theatr Stryd a bar Syched.
