Fe heidiodd miloedd i Ddolgellau dros y penwythnos ar gyfer y Sesiwn Fawr. Yn ogystal â degau o artistiaid Cymraeg fel Steve Eaves, Cowbois Rhos Botwnnog, Aleighcia Scott & Morgan Elwy, TewTewTennau a Taff Rapids, roedd y dref yn llawn digwyddiadau i bobl o bob oed – o sgyrsiau, sesiwn gomedi a'r Pentre Plant.
Mae'r ŵyl, a gafodd ei sefydlu yn 1992, yn cael ei chynnal mewn sawl lleoliad yn y dref gan gynnwys y sgwâr.
Pa ddigwyddiadau agorodd yr ŵyl?
Roedd 'na ddigwyddiad yn Eglwys y Santes Fair ar nos Iau. Roedd y côr gwerin o ardal Penllyn, Eryrod Meirion, yno...
... yn ogystal â Dafydd Owain yn perfformio ei record hir Ymarfer Byw yn ei chyfanrwydd
Mae'r twmpath dawns yn rhan ganolog o naws werin y Sesiwn Fawr
Criw Acordions dros Annibyniaeth yn perfformio tu allan i westy'r Ship
Sut oedd yr ŵyl yn apelio at blant a theuluoedd?
Roedd 'na ddigwyddiadau i blant yno gan gynnwys gweithdai syrcas...
... a'r cyfle i gael paentio wyneb!
Y chwiorydd o Drefaldwyn, Elin a Carys yn diddanu yn Eglwys y Santes Fair
Criw yn cael llymaid ar y stryd fach rhwng tafarndai'r Torrent a'r Cross Keys Inn
Pwy oedd ar y prif lwyfan?
Deuawd Afro-electronig o Ddwyrain Llundain, Raz & Afla, yn perfformio ar y prif lwyfan...
... gyda'r dorf yn eu meddiant yn llwyr!
Ffidlwyr yn ffidlan efo'u ffidils! Yoko Pwno yw enw'r grŵp yma
Pobl o bob oed yn mwynhau'r gerddoriaeth
Taff Rapids, band blŵgras egnïol o Gaerdydd, yn mynd trwy eu pethau
Y dorf yn dangos gwerthfawrogiad
Taran, y grŵp ifanc o Gaerdydd gyda'r gantores Rose Datta yn canu, yn perfformio ar y prif lwyfan
Roedd y criw yma'n cael eu symud gan y gerddoriaeth!
Pa awyrgylch oedd i'r ŵyl?
Mae'r Sesiwn Fawr yn ddigwyddiad i'r teulu oll
Mae'r grŵp Melin Melyn yn cael haf prysur, a nhwythau newydd fod yn cefnogi y Super Furry Animals ar eu taith diweddar
