Mae Heddlu Dyfed-Powys yn ymchwilio i farwolaeth cerddwr yn dilyn gwrthdrawiad rhwng chwe cherbyd yng Nghaerfyrddin. Digwyddodd y digwyddiad tua 21:50 nos Fawrth 28 Gorffennaf rhwng cylchfan PC World a chylchfan Abergwili, a bu farw'r cerddwr yn y fan a'r lle.
Beth ddigwyddodd ar yr A40?
Roedd yr adroddiadau cyntaf a gafodd yr heddlu yn lleisio pryderon am ddiogelwch cerddwr ar yr A40, ac yna daeth adroddiadau bod cerbydau wedi bod mewn gwrthdrawiad â'r unigolyn. Yn ôl adroddiadau, bu un o gerbydau'r heddlu mewn gwrthdrawiad â'r cerddwr hefyd ar ôl cyrraedd.
Mae'r heddlu'n ymchwilio i'r mater a does neb wedi cael eu harestio mewn cysylltiad â'r digwyddiad.
Pa gamau sydd wedi'u cymryd?
Mae'r achos hefyd wedi cael ei gyfeirio at yr IPCC sef Comisiwn Cwynion Annibynnol yr Heddlu. Mae'n debygol y bydd y ffordd ar gau i'r ddau gyfeiriad am gyfnod gyda'r heddlu'n gofyn i deithwyr geisio osgoi'r ardal.
Oes angen gwybodaeth ar yr heddlu?
Mae swyddogion yn gofyn i unrhyw un sydd ag unrhyw wybodaeth am y digwyddiad i gysylltu â Heddlu Dyfed-Powys.
Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.
Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.
Lawrlwythwch yr ap am y diweddaraf o Gymru ar eich dyfais symudol.
