Cyhuddiad o Lofruddiaeth yn Dilyn Marwolaeth yn Gorseinon
Mae dyn 18 oed wedi cael ei gyhuddo o lofruddio ar ôl i ddyn farw yn dilyn gwrthdrawiad rhwng car a beic yng Ngorseinon, Abertawe.
Bu farw Ceiran Evans, 18 oed ac o Orseinon, wedi gwrthdrawiad ar Ffordd Pen Cae Crwn am 12:58 ddydd Iau.
Mae dyn arall, 19 oed, yn parhau yn yr ysbyty ar ôl cael ei anafu yn y gwrthdrawiad.
Mae Tyler Ford, 18 oed ac o Dreforys, wedi'i gyhuddo o lofruddio Ceiran Evans yn ogystal â cheisio llofruddio un arall. Mae'n parhau yn y ddalfa a bydd yn ymddangos yn Llys Ynadon Abertawe ddydd Llun.
Roedd nifer o blismyn yn yr ardal brynhawn Iau
Harestiadau Pellach a Chefnogaeth i Deulu
Dywedodd Heddlu'r De a bod pedwar person arall wedi cael eu harestio mewn cysylltiad â'r digwyddiad a'u rhyddhau ar fechnïaeth.
Cafodd dyn o Orseinon, 18 oed, ei arestio ar amheuaeth o lofruddio ac achosi niwed corfforol difrifol gyda bwriad.
Mae dyn arall o Orseinon, 33 oed, wedi cael ei arestio ar amheuaeth o lofruddio, a dau ddyn 38 oed, o Dregŵyr a Mount Pleasant, ar amheuaeth o gynorthwyo troseddwr.
Dywedodd y llu bod teulu Ceiran Evans yn cael eu cefnogi gan swyddogion arbenigol.
Blodau wedi'u gadael ar y safle ddydd Gwener
Datganiad gan Heddlu a Galwad am Wybodaeth
"Mae teulu Ceiran Evans wedi cael gwybod am y datblygiadau ac maen nhw'n parhau i gael ein cefnogaeth yn ystod y cyfnod hynod ofidus hwn. Gofynnwn i'w preifatrwydd gael ei barchu.
Er ein bod wedi cyhuddo unigolyn 1 cam sy'n hynod arwyddocaol 1 mae ein hymchwiliadau'n parhau ar gyflymder, ac rydym yn apelio ar unrhyw un sydd 1 gwybodaeth i gysylltu 1 ni.
Hoffwn ddiolch unwaith eto i bobl Gorseinon sydd wedi cefnogi swyddogion yn y fan a'r lle ac wedi dod ymlaen 1 gwybodaeth. Rydym yn gwerthfawrogi'r hyn yn fawr.
Rydym yn ymwybodol o ddeunydd fideo o'r digwyddiad hwn ar y cyfryngau cymdeithasol, ac rydym unwaith eto yn gofyn i bobl i beidio 1'i rhannu, am resymau amlwg."
Dilynwch Cymru Fyw ar Facebook, X, Instagram neu TikTok.
Anfonwch unrhyw syniadau am straeon i cymrufyw@bbc.co.uk neu cysylltwch drwy WhatsApp ar 07709850033.
Lawrlwythwch yr ap am y diweddaraf o Gymru ar eich dyfais symudol.
