Adam Jones yw cyfarwyddwr garddwriaeth y Sioe Frenhinol yr wythnos yma, wrth iddo ffarwelio â’r ardd wnaeth, yn ei eiriau ef, “newid fy mywyd”. Mae’r garddwr amlwg o Gymru, sy’n cael ei adnabod gan nifer fel Adam yn yr Ardd, wedi trawsnewid ei fywyd yn ystod y blynyddoedd diwethaf, ac erbyn hyn mae’n rhoi garddio wrth galon ei waith a’i waith cymunedol.
Er iddo ddweud bod garddio “wastad” wedi bod yn rhan o’i fywyd, fe adawodd ei swydd llawn amser i fod yn arddwr wedi’r cyfnod clo. Yr wythnos yma, wrth iddo baratoi ar gyfer un o’r digwyddiadau mwyaf yn ei galendr, ei obaith yw “tynnu pobl o bob cefndir” i arddio.
Garddio wastad wedi bod yna?
Glaw neu hindda, mae Adam allan yn yr ardd ac wedi creu gardd arbennig yn ei dŷ presennol. Mae o’r farn bod garddio ac ymwneud â natur yn gallu bod yn llesol i bawb, ac mae’n gweld yr ardd fel lle sy’n gallu lleihau straen a chodi’r galon.
“Ma' garddio wastad wedi bod yna, pan ma' bywyd yn mynd yn drwm, ti'n delio gyda rhyw broblem, a hanner awr yn yr ardd a ti'n teimlo lot ysgafnach,”
Erbyn hyn mae Adam yn cynnal gweithdai, yn mynd i ysgolion gwahanol ac yn gweithio gyda “phobl gyda phroblemau ymddygiad, iechyd meddwl, a galar”, gan ddweud bod garddio yn gallu gwella safon byw pawb. Mae’r gwaith hwnnw’n rhan o’i ymgais ehangach i wneud garddio’n fwy hygyrch a chynhwysol.
Mae Adam wedi creu gardd arbennig yn ei gartref presennol, ac mae’r ardd honno wedi bod yn rhan bwysig o’i daith bersonol a phroffesiynol.
Mae wedi denu cynulleidfa eang i’w dudalen Instagram, sydd bellach â dros 27,000 o ddilynwyr. Yno mae’n rhannu cyngor, lluniau a fideos am ei ardd, ac mae wedi casglu cymuned ynghyd ar-lein drwy’r cynnwys hwnnw.
Ond mae’n amser ffarwelio â’r ardd honno erbyn hyn, am ei fod yn symud tŷ. Dywedodd mai “chwerwfelys” yw’r profiad, ond ei fod yn edrych ymlaen at ei “ardd am byth”.
“Mae'n brofiad chwerwfelys,”
“Dyma le fi am fod am weddill fy mywyd,”
Dyma Eisteddfod y garddwr?
Wrth iddo fod yn brysur yr wythnos yma fel cyfarwyddwr garddwriaeth y sioe, mae Adam yn awyddus i annog mwy o bobl nag erioed i droi at arddio. Mae’n dweud bod “diddordeb y to iau yn solet”, ac mae hynny’n galondid mawr iddo, yn enwedig gyda “chynnydd yn nifer y bobl ifanc sy'n cystadlu” eleni.
Mae Adam o’r farn mai “Cymru yw un o’r llefydd gorau” i arddio ac i dyfu planhigion a llysiau, ac mae am weld mwy o bobl yn garddio.
“Hwn yw'r unig sioe Garddwriaeth Gymreig Genedlaethol,”meddai, ac felly mae’n dweud mai dyma’r lle i annog pobl i gymryd rhan.
“Dyma yw Eisteddfod y garddwr i bob pwrpas!”
Er bod y trefniadau yn eu lle ar gyfer y sioe, mae un peth yn ei boeni - y tywydd. Mae’n dweud nad oes adran sy’n cael ei heffeithio mwy na garddwriaeth pan mae’n dod i’r tywydd, ac mai’r her ymarferol fwyaf yw sicrhau bod digon o ddŵr a phobl i ddyfrio.
“Does dim adran sy'n cael ei effeithio mwy na'r arddwriaeth pan mae'n dod i'r tywydd.
“Ry'n ni wedi gorfod addasu ambell beth, ma' 'da ni gynlluniau bod digon o ddŵr, a phobl i ddyfrio, ma' hwnna yn bach o stress.”
Cyffro yn mogi'r nerfau?
Wrth edrych ymlaen at ei ardd newydd, dywedodd Adam ei fod am “ruthro dim”. Mae’n pwysleisio mai “ardd am byth” fydd honno, ac er ei fod yn edrych ymlaen, mae hefyd “ychydig yn nerfus”.
“Fy ngardd yw fy hygrededd i, fy CV.
“Mae sefydlu'r ardd newydd yn ansicr ond mae'r cyffro yn mogi hynny.”
Dywedodd hefyd ei fod yn edrych ymlaen at “ffordd o fyw gwahanol, mwy gwledig, bach mwy o le, a 'na'r fath o fywyd ni eisiau magu plant.” Mae’r newid hwnnw, meddai, yn rhan o bennod newydd yn ei fywyd personol ac yn ei waith fel garddwr.
Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.
Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.
Lawrlwythwch yr ap am y diweddaraf o Gymru ar eich dyfais symudol.
Pynciau cysylltiedig
Straeon perthnasol
Adam yn yr Ardd: 'Dathlu garddwriaeth yn y Sioe'
Ateb y Galw: Adam Jones neu 'Adam Yn Yr Ardd'
Key Facts
- Adam Jones yw cyfarwyddwr garddwriaeth y Sioe Frenhinol yr wythnos yma.
- Mae’n ffarwelio â’r ardd a “newid fy mywyd” wrth iddo symud tŷ.
- Mae ei gyfrif Instagram bellach â dros 27,000 o ddilynwyr.
- Mae’n gweithio gyda phlant, ysgolion a phobl gyda phroblemau ymddygiad, iechyd meddwl, a galar.
- Mae’n dweud mai “Cymru yw un o’r llefydd gorau” i arddio.
